'If peace process can’t go in June, it means war'

Naghahanda na ngayon ang bansang Malaysia sakaling tuluyan ng malusaw ang usaping pangkapayapaan sa pagitan ng Philippine government at Moro Islamic Liberation Front (MILF).

By   Anne Soberano | BomboRadyo

Kabilang sa ginagawang paghahanda ng Malaysia ay ang pag-activate ng kanilang offshore military bases.

Batay sa report ng isang Malaysian news site, ang military bases ng Malaysia partikular sa may bahagi ng Sulu Sea ay nakatakdang maging operational sa susunod na buwan ng Abril na layon nito para i-address ang potential influx o pagbuhos ng libu-libong mga displaced southern Filipinos.

“If the peace process can’t go through in June then it means war. Twelve years of talks and because of one incident, they will have war,” batay sa pahayag ni Malaysian Defense Minister Datuk Seri Hishammuddin Hussein.

Tinutukoy umano ni Hishammuddin ang January 25 Mamasapano incident kung saan 44 na miyembro ng PNP Special Action Force ang nasawi.

Dagdag pa Hishammuddin, na pinaghahandaan din ng kanilang security forces ang posibleng paglikas ng mga sibilyan patungong Malaysia.

“If we have a wall of offshore bases, we may have a chance to stop the exodus of people,” pahayag ng opsiyal.

Paliwanag ni Hishammuddin na ang ginagawa ng Malaysia ay bilang preacutionary measures at gagawin nila ang lahat para hindi magkaroon ng spillover sa may bahagi ng Sabah.