By
Reymund Tinaza| Bombo Radyo
Larawan ni Pangulong Noynoy Aquino Photo from google
Binigyang-diin
ngayon ni Pangulong Benigno "Noynoy" Aquino III na huwag sanang
makalagpas ang pagkakataong makamit ang pangmatagalang kapayapaan sa
Mindanao.
Ginawa
ng Pangulong Aquino ang pahayag sa pagdiriwang ng ika-29 anibersaryo ng
EDSA People Power Revolution at naantalang pagpasa ng Bangsamoro Basic
Law (BBL) dahil sa Mamasapano encounter na nagbunga ng duda sa Moro
Islamic Liberation Front (MILF).
Sinabi
ng Pangulong Aquino, ginintuang maituturing ang pagkakataong ito, kung
kailan abot-kamay na ang kapayapaan sa Mindanao habang buhos pa ang
suporta ng ibang bansa.
Ayon sa Pangulong Aquino, duda siyang magagarantiya ng mga kontra BBL na mauulit ang ganitong oportunidad.
Kaya
muling ipinaalala ng Pangulong Aquino ang sakit na naramdaman sa
pagkakapatay ng kanyang ama kung saan imbes na maghiganti ay pinanatili
ang hinahon.
Hindi
raw para makakuha ng simpatya kundi para maipaunawang sa gitna ng galit
at pagdadalamhati, mas makapangyarihan ang tiwala, malasakit, pag-ibig
at kapayapaan.
"Ngayon,
may pagkakataon po tayong baguhin ang istorya ng ARMM dahil sa maraming
dahilan. Marami nga pong bansa ang nagbubuhos ng suporta sa ating
usaping pangkapayapaan. Halimbawa na lang po ang Malaysia: Hindi lamang
sa salita, kundi sa gawa, pinadama nila sa atin na katuwang sila sa
pagkamit ng kapayapaan. At dahil buo ang tiwala ng sambayanan po sa
atin, ni minsan, hindi ako natuksong gamitin ang ARMM para magsagawa ng
command votes. Ang mga pinuno ng MILF, pinadama rin sa atin ang kanilang
tiwala at kumpiyansa na magiging katuwang din sila, kasama ang buong
Bangsamoro, sa paghahanap ng kapayapaan. Ginintuan ngang maituturing ang
pagkakataong ito, kung kailan abot-kamay na ang kapayapaan sa Mindanao.
Sa mga nagsasabi na ihinto na ang peace process, at ang pagpapasa ng
Bangsamoro Basic Law, ang tanong natin: Paano nila masisigurado na
magkakaroon ulit ng ganitong oportunidad?" ani Pangulong Aquino.
No comments:
Post a Comment